Хитойнинг Шэньчжэнь шаҳрида Наманган вилояти ҳокимлиги ташаббуси билан «Ўзбекистон–Хитой
(Шэньчжэнь) савдо-иқтисодий ва инвестиция форуми» ўтказилди.
Форум якунида B2Б ва G2Б музокаралар натижасида умумий қиймати 3,5 миллиард АҚШ долларидан ортиқ бўлган 27 та инвестиция лойиҳаси бўйича келишув ва англашув меморандумлари имзоланди.
Лойиҳалар саноат, тўқимачилик, агросаноат, электротехника, фармацевтика, логистика ва экспортга йўналтирилган ишлаб чиқариш йўналишларини қамраб олиб, минглаб янги иш ўринлари яратиш ва замонавий технологияларни жорий этишни назарда тутади.
Форум Наманган вилоятининг инвестицион жозибадорлигини ошириш ва Ўзбекистон–Хитой иқтисодий ҳамкорлигини амалий натижалар билан мустаҳкамлашга хизмат қилди.