Ўзбекистонлик шахмат устаси Нодирбек Абдусатторов 2023 йилда 12 та мусобақада иштирок этиб, 190 минг АҚШ доллари миқдоридаги пул мукофотига эга чиққан.
Йил давомида жаҳоннинг энг кўп даромад қилган шахматчиси хитойлик гроссмейстер Динг Лирен бўлди. У 2023 йил давомида турнирлардан 1 228 200 АҚШ доллари миқдорида пул топган.
Иккинчи ўринни россиялик Ян Непомняший қайд этди – 1 226 825 АҚШ доллари. Учинчи ўринни эса Магнус Карлсен эгаллади – 705 155 АҚШ доллари.
