Мисрнинг Шарм Эл-Шейх шаҳрида теннис бўйича М25 тоифасига кирувчи турнирда ҳамюртимиз Ҳумоюн Султонов жуфтлик ва яккалик баҳсларида иштирок этмоқда.
Мамлакатимизнинг биринчи рақамли теннисчиси бўлган Ҳумоюн мусобақанинг жуфтлик беллашувларида германиялик Лукас Делиано билан тандем ҳосил қилиб, илк босқичда ҳиндистонлик Сидҳарт Рават ва эстониялик Криятян Тамм дуэтини 1:6, 7:5, 10:7 ҳисобида таслим қилди.
Энди Ҳумоюн ва Лукас чорак финал босқичида Буюк Британия шарафини ҳимоя қилаётган Бен Жонес ва Марк Вайтҳаус жуфтлиги билан рақобатлашади.
Шунингдек, ушбу турнирнинг биринчи рақамли теннисчиси сифатида сараланган Ҳумоюн Султонов яккалик баҳсларининг илк даврасида сербиялик Стефан Латиновичга қарши кортга чиқади.