Наманган шаҳри марказида «Зарбдор» тажрибаси асосида тун-у кун фаолият юритувчи «24/7 кўчаси» барпо этилмоқда. Ушбу лойиҳа шаҳар аҳолиси ва меҳмонлари учун қулайлик яратиш, тадбиркорликни ривожлантириш ҳамда янги иш ўринларини очиш мақсадида амалга оширилмоқда.
Лойиҳа доирасида:
1 км канализация ва электр тармоқлари тортилади,
100 та тунги ёритгич ўрнатилади,
5 км суғориш тизими ташкил этилади,
50 га яқин ўриндиқ жойлаштирилади,
йўллар таъмирланади.
Шунингдек, ҳудудда 45 та тадбиркорлик субъекти фаолиятини бошлайди, натижада 100 га яқин янги иш ўринлари яратилади.
Мазкур ташаббус шаҳар инфратузилмасини яхшилаш, бизнес муҳитини ривожлантириш ҳамда аҳоли фаровонлигини оширишга хизмат қилади.