Наманган вилоятида спорт ва соғлом турмуш тарзини тарғиб этишга қаратилган яна бир муҳим тадбир бўлиб ўтди.
5-6 сентябрь кунлари «Ватанпарвар» ташкилоти Наманган шаҳар ўқув спорт-техника клубига қарашли ўқ отиш мажмуасида ҳоким кубоги учун вилоят биринчилигининг 3-босқичи ташкил этилди.
Мазкур мусобақа ёзги олимпия ва параолимпия ўйинлари дастурига киритилган «Пневматик қуролдан ўқ отиш» спорт тури бўйича ўтказилиб, унда вилоятнинг барча шаҳар ва туманларидан жами 85 нафар спортчи иштирок этди.
Натижаларга кўра, фахрли биринчи ўринни Вилоят техник ва амалий спорт турлари маркази жамоаси қўлга киритди. Иккинчи ўрин Наманган шаҳар ЎСТК жамоасига, учинчи ўрин эса Тўрақўрғон туман ЎСТК жамоасига насиб этди.
Ғолиб спортчилар «Ватанпарвар» ташкилоти томонидан диплом ва қимматбаҳо совғалар билан тақдирланди.